LAOAG CITY – Kiniddaw ni Department of Agriculture Secretary Francisco Tiu Laurel Jr. iti Bureau of Customs nga ibunong da laengen ti 580 metric tons nga smuggled frozen mackerel a nakumpiskar iti Manila Port kadagiti residente a naapektaran kadagiti kallabes a bagyo.
Iti maysa a statement, kinuna ni Laurel a fit for human consumption dagiti nakumpiskar a tone-tenelada a frozen mackerel.
Kunana a maipaima iti Department of Social Welfare and Development (DSWD) dagitoy tapno isuda a miso ti agibunong kadagiti apektado a residente kas paset ti agtultuloy a relief operations.
Mapattapatta a dumanon iti P178.5 milion a pisos ti kadagupan a gatad dagiti smuggled frozen mackerel a nakumpiskar ti Bureau of Customs (BOC) manipud iti 21 a cointaners iti sangladan ti Manila Port.
Kabayatanna, maipalagip nga iti immun-una a plano ti isu met laeng nga ahensia, a kalikagomda nga usaren dagiti smuggled frozen fish kas kanayonan a tulong kadagiti naapektaran iti bagyo a Kristine.
