LAOAG CITY – Kiddawen ti Department of Agriculture (DA) kadagiti agpanpanday linteg a suktan ti depenision ti profiteering a nakailanad iti linteg.
Inbatad ni Department of Agriculture Undersecretary Asis Perez, gagem daytoy tapno maipaayan ti bileg a matiliw dagiti managgundaway a wholesalers ken retailers dagiti commodities.
Iti agdama, arig nakabaod dagiti imada iti panangsolbar kadagiti mapaspasamak a profiteering iti merkado isu mapilpilitanda nga agaramid ti wagas tapno maresolbar ti problema.
Sumagmamano kadagiti inladawanda ket no ninayonanen dagiti negosiante ti 10 a porsiento ti presio ti produkto a daytoy ket limmabes iti nailanad iti Republic Act 7581 wenno Price Act.
Iti babaen ti Price Act a ti profiteering ket ti panaglako ti aniaman a produkto iti nangatngato a balor daytoy.
