LAOAG CITY – Mangipatpatungpal ti alisto a tignay ti Department of Agriculture tapno maliklikan ti posible a panagkurang iti itlog ken panagngato ti presio ditoy pagilian.
Daytoy ket sungbat ti Department of Agriculture iti baet ti pangta ti bird flu crisis iti poultry supply chain.
Kabayatan a saan pay a makapaspasar ti nalawa nga outbreak ti Pilipinas, nagballaag ni Department of Agriculture Secretary Tiu Laurel a mabalin a sangoen ti pagilian ti kinakurang iti suplay ti itlog iti umuna a paset ti Abril.
Naammoan a tapno masolbar ti isyu, ipayal-alisto ti Department of Agriculture ti panagangkat dagiti manok nga agit-itlog ken ilunglungalongna ti alisto a panangaprobar ti avian influenza vaccines ti Food and Drug Administration (FDA).
Ikagkagumaan ti ahensia a makaala ti P300 milyon a pundo manipud iti National Livestock Program para iti panangtingiting iti bakuna nga addaan ti posibilidad ti mass inoculation a mangrugi inton Marso.
