LAOAG CITY – Nagballaag ti Department of Agriculture (DA) dagiti aglaklako ti nakanginngina a presio ti karne ti baboy a dumanon iti P450 iti kada kilo agingga iti P480 iti kada kilo kadagiti tiendaan.
Inbatad ni Agriculture Spokesperson ASec. Arnel de Mesa, aglikosda ken mapan kadagiti lugar nga aglaklako iti nangato a presio kadagiti karne ti baboy ken sitaenda dagitoy.
Basar iti inisyal a konsultasion kadagiti hog industry stakeholders, rimmuar a saan a resonable dagiti presio dagitoy.
Maipalagip nga idi Pebrero 15, dagiti presio ti karne ti baboy ket nagtalinaed a nangato idiay Metro Manila a dumanon iti P380 agingga iti P480 iti kada kilo para iti pork liempo idinto nga adda iti P350 agingga iti P420 iti kada kilo met para iti pork kasim.
