LAOAG CITY – Nadismaya ni Department of Agriculture (DA) Secretary Francisco Tiu Laurel Jr. kadagiti nagbalin a rakurak a ni Vice President Sara Duterte no sadinno a kwinestyunaran na ti kalidad ti bagas nga iparuk-at ti National Food Authority (NFA) a plano nga ilako iti presyo a P20/kilo.
Inbatad ni Laurel a nasaktan ti sibubukel a departamento kadagiti rakurak ti Bise Presidente a saan a para iti konsumo ti maysa a tao ti kalidad ti bagas nga adda iti Department of Agriculture no di ket para iti ayop dagitoy.
Inpetteng ti sekretaryo ti dedikasyon nga adda iti departamento da tapno laeng masigurado a ti kalidad dagiti bagas nga ilako da it publiko ket kanayun a baro ken nakasagana a makonsumo.
Iti baet dagiti nagbalin a rakurak ti bise presidente, inpasigurado ti sekretaryo nga agtalinaed da a commited iti panagdeliber kadagiti de-kalidad a bagas para kadagiti Pilipino ken isuda a mismo ti mangipasigurado a dagiti bagas ket natalged para iti human consumption.
Kabayatanna, nagpanawagan ni Tiu Laurel ken ni Vice President Duterte nga iwalin koma dagiti political differences imbes ket makikaysa iti programa ti departamento para iti naurnus a panangsolbar kadagiti inaldaw a problema a sangsangwen dagiti ordinaryo nga umili.
