LAOAG CITY – Plano ti Department of Agriculture (DA) nga ipaaayan ti temporaryo a pagtrabahoan dagiti mannalon a maapektaran ti nakaro nga El Niño.
Daytoy ket babaen ti Tulong Panghanapbuhay sa Ating Disadvantaged/Displaced Workers (TUPAD) program ti Department of Labor and Employment (DOLE).
Segun ken ni Agriculture Secretary Francisco Tiu Laurel Jr., addan dagiti menu of interventions da tapno matulungan dagiti mannalon a maapektaran ti El Niño iti intero a pagilian.
Immunan nga inestablisar ti Department of Agriculture ti Ilocos Region, Cagayan Valley, ken Western Visayas a karaman kadagiti lugar a kangrunaan nga apektado ti El Niño.
Iikonkonsiderar pay ti Department of Agriculture ti alternatibo a livelihoods para kadagiti mannalon kadagiti lugar a namnamaen a kangrunaan a maapektaran ti weather phenomenon.
