LAOAG CITY – Indasaren ti Department of Agriculture (DA) ti pudno a plano no apay a nangipatungpalda ti P58 iti kada kilo a maximum suggested retail price (MSRP) kadagiti imported a bagas.
Segun ken ni Agriculture Secretary Francisco Tiu Laurel Jr., gapu ta nariparda kadagiti nagsasaruno a panagliklikosda kadagiti public markets ti panangsurot kadagiti retailers iti naikeddeng a maximum suggested retail price.
Inbatadna a kalpasan iti panagsursurda idiay Pasay nga inton Pebrero 5 ket maipababan iti P55 iti kada kilo dagiti imported premium rice kadagiti tiendaan.
Kunana kadagiti sumaruno a lawas, maipababa met iti P52 iti kada kilo agingga iti panagserrek met ti Marso ket maipababa iti nababbaba pay ngem iti P50 iti kada kilo dagiti imported a bagas iti merkado.
Inlawlawagna a daytoy ket no stable dagiti presio ti global prices ti nasao a produkto.
