LAOAG CITY – Inpababa ti Department of Agriculture (DA) ti presio ti bagas a mailaklako kadagiti Kadiwa stores.
Basar iti Department of Agriculture a nangrugi ita nga aldaw, Pebrero 12 ti price reduction para iti Rice-for-All (RFA) program-da.
Makitkita ti Department of Agriculture a naan-anayen a bumaba ti presio ti bagas nangruna ket dandanin ti panawen ti panagaapit.
Inbatad ni Agriculture Secretary Francisco Laurel a mabalin a mangkissay ti agingga iti P3 iti kada kilo ti bagas.
Inlawlawagna nga agtultuloy a makagatang ti sag-P29 iti kada kilo ti bagas kadagiti vulnerable groups kas kadagiti senior citizens, persons with disabilities, solo parents ken dagiti indibidual manipud iti indigent sectors.
