LAOAG CITY – Inbilin ni Department of Agriculture Secretary Francisco Tiu Laurel Jr. ti temporario a pannakaiparit ti panagangkat kadagiti domestic ken wild birds a pakairamanan dagiti produktoda manipud iti Minnesota, United States of America.
Daytoy ket kalpasan ti panagraira ti High Pathogenicity Avian Influenza H5N1 subtype wenno Bird Flu.
Kinumpirmaran ti United States Department of Agriculture Animal and Plant Health Inspection Service iti DA ti kaso ti H5N1 iti tallo a lugar ti Minnesota.
Segun iti sekretario a pakairamanan daytoy ti import ban ti poultry meat, itlog, day-old chicks ken semilya.
Pinasuspinde ti sekretario iti Bureau of Animal Industry ti panagproseso ken panag-iisyu ti Sanitary ken Phytosanitary Import Clearances para kadgiti nadakamat a produkto.
