LAOAG CITY – Dagus a nasebseban ti nauram a daan a balay idiay Barangay 55-A, Barit ditoy ciudad ti Laoag.
Segun kenni Barangay Chairman Ruben Ancheta iti nasao a barangay, adda ti nagpuur ti naummong a ruot iti asideg ti niyog a nangitunda met ti pannakauram ti daan a balay.
Mamati daytoy a nagkayamkan ti uram manipud iti ummong ti ruut ken nagpangato iti puun ti niyog nga addaan ti nagango a palatang sakbay a nakadanon iti nasao a pagtaengan.
Gapo iti daytoy, timmawag iti Bureau of Fire Protection (BFP) ditoy ciudad ti Laoag tapno masebseban ti uram.
Nupay kasta, awan ti nasugatan a residente gapo ken awanen ti agnanaed iti nasao a balay.
Inbatad ti kapitan a no saan a dagus a nasebseban ti uram ket posible a nairaman ti maysa pay a balay iti nasao a barangay.
Nagyaman met daytoy kadagiti residente a timmulong tapno alisto a masebseban ti nasao nga uram.
