LAOAG CITY – Kinumpirmaran ni Father Joey Ranjo, Kora Paroko ti Sta Monica Church iti ili a Sarrat a nakakali dagiti tinandanan da a nangdalos ken mangikauneg ti daanen a bobon iti nasao a simbaan kadagiti sinsilyo.
Segun ken ni Ranjo, nakigtot dagiti agkalkali idi umuna a makakarawa da iti sinsilyo kalpasan na ket idi rugian da ti agkotkot ket adda dagiti magosod da a natangken a banag a barya met gayam.
Inlawlawag ni Ranjo a ti nasao a bobon nga addaan iti diametro a lima agingga 6 a kadapan ken kauneg nga agarup 40 a kadapan ken naaramid iti ladrilyo ket naipasdek pay daytoy idi 1829.
Maus-usar daytoy a pagalaan ti danum ngem naisardeng idi 1990’s gapu ta bassit ti danum na ngem idi 2000, nausar daytoy a kas “wishing well” agingga iti 2013.
Innayon ni Ranjo nga inted da kadagiti nagtrabaho dagiti naala a sinsilyo iti uneg ti bobon.
