LAOAG CITY – Naduktalan kadagiti official exhibit ti Anti-Money Laundering Council wenno AMLC a naiprisintar iti Senate Impeachment Court dagiti dadakkel a cash withrawals ken maipagarup a check encashment a nakainagan ken ni Vice President Sara Duterte idi Disiembre 2024.
Basar kadagiti dokumento a naiprisintar iti panagusig, karaman kadagiti transaksion ti agarup P2.37 million withdrawal iti LandBank idi Disiembre 5, 2024.
Idi Disiembre 20 met ket naduktalan ti sumurok-kumurang P5.96 million a transaksion iti BDO Davao ken P1.70 million iti Metrobank Davao.
Kabayatanna, dagiti nadakamat a gatad ket karaman iti financial transaction records nga imprisintar ni AMLC Exec. Director RONEL Buenaventura iti impeachment court iti agtultuloy a panagusig ken ni Vice President Duterte.
