Kinatarpinong ti gobierno probinsial ti Quirino ken ti Department of Trade and Industry (DTI) dagiti maseknan iti fossilized flower industry tapno matulonganda a manggun-od iti sustainable ken responsible entrepreneurship.
Iti nadamakat a taripnong ket tinabunuan ti 45 a fossilized flower makers no sadinno a ket naipamaysa iti kinapateg ti panangsurot kadagiti maipakat a linteg ken pagannurotan iti pannakaaramid dagiti fossilized flowers manipud pannakaisagana agingga iti pannakaibelleng dagiti basura.
Mainaig iti daytoy, napagsaritaan ti Department of Environment and Natural Resources (DENR) – Environmental Management Bureau dagiti linteg ken pagannurotan babaen iti basura ken kemikal, partikular dagiti napateg a probision ti Republic Act 6969.
Kabayatanna, dagiti fossilized flowers ket naaramid manipud kadagiti bulong ti butterfly tree, guayabano, jackfruit, mangga ken dadduma pay a materiales, maproseso ken mapapudaw babaen ti sodium hydroxide, makulayan ken maaramid a sabong.
