Maysa nga Chinese aquarium ti mababalaw kalpasan a sinukatanna dagiti pudno a pating iti life-size robotic version a makatiliw iti langa ken garaw ti nadakamat nga animal iti baybay.
Naglukat manen ti Xiaomeisha Sea World idiay Shenzhen, China kadagiti bisita kalpasan ti lima a tawen a pannakaserrana rapno ma-renovate.
Umabot iti 100,000 a tattao ti simmarungkar iti nadakamat a marine park iti umuna a lawas ti pannakalukatna, ngem ti nadakamat a financial success ket nadadael gapu iti kontrobersia gapu iti maysa kadagiti attractions da a robotic whale.
Basar iti impormasion, adu kadagiti bisita ti nadismaya a nakakita iti maysa a whale shark nga aglanglangoy iti dakkel nga aquarium a man-made, nangruna ta saan nga imbaga kadakuada ti makinkukua nga awan ti makitada a pudno a pating.
Gapu iti daytoy, adda dagiti nagkiddaw a maisubli ti bayadda.
