LAOAG CITY – Indauloan dagiti nabayagen naga gidondonar ti dara iti pagpilaan iti Dugong Bombo: A Little Pain a Life Gain ti Bombo Radyo Philippines ditoy siudad ti Laoag.
Iti pannakiuman ti Bombo Radyo Laoag kenni Staff Sergeant Pete Duldulao ti 1st Infantry Batallion ti Philippine Army, maika-siam a tawen nan nga agidondonar ti dara iti Dugong Bombo ken adun ti natulongan na a nagkasapulan ti dara.
Agyamyaman ken naragsak ni Duldulao gapu ta nakaipaay manen ti tulong babaen ti Dugong Bombo.
Napintas para kenni Sgt. Duldulao ti baro manen a t-shirt nga inpaay ti Bombo Radyo kas pammaneknek a maysa kadagiti successful blood donors.
Nagyaman pay dagiti dadduma a nabayagen ng agidondonar ti dara agraman ni Duldulao ken naimasan da ti nangan ti aruzcaldo ken imminom ti softdrink tapno makarebore da kalpasan ti panagdonar da ti dara.
