LAOAG CITY – Panagkararag laeng ti maaramidan dagiti padi idiay Rome, Italy kalpasan a pimmusay ni dati a Cardinal Bernard Law gapu ti sakit na.
Daytoy ti inpadamag ni Bombo Correspondent Demetrio Bong Rafanan, maysa nga OFW idiay Roma, tubo ti probinsya ti Ilocos Sur.
Segun kenni Rafanan, ginutigot ni Fr. Ricky Gente, Chaplain ti Sentro Pilipino Chaplaincy ti Roma dagiti padi ken dagiti tattao idiay Roma nga ikararag da ti kararua ti dati a Cardinal.
Maipalagip a napessatan ti biag ti agtawen ti 86 a dati a Cardinal gapu ti nabayagen a sakit na, basar ti impormasyon manipud idiay Vatican.
