LAOAG CITY – Adu a residente idiay isla ti Hawaii nakagura gapu ti panagbisita ni Presidente Donald Trump iti Amerika.
Daytoy ti reaksyon ni Ms. Jem Tuliao, residente ti Aiea, Hawaii.
Kuna na a saan a napintas ti aldaw dagiti sumagmamano a residente ken nagprotesta da gapu ti kaadda ni Trump para ti maysa a taripnong.
Segun kenni Tuliao, adda pay dagiti nakaunget gapu ta natrapik da bayat nga agturong da iti trabaho da.
Nupay kasta, adda met dagiti naragsakan nga Hawaiians agraman dagiti Pilipino iti panagbisita ni Trump para ti kapya ken dinayaw da ti panagidaton na ti sabsabong iti USS Arizona Memorial.
Maipalagip a nangabak ni dati a first lady Hillary Clinton idiay isla ti Hawaii iti naangay nga US Presidential Election idi Nobyembre 2016.
