LAOAG CITY – iti Insigida a nakapagpiyansa dagiti suspek iti panagpoor iti kubokukbo nga adda iti asideg ti Mediterranean Church of Jesus Christ iti paset ti Brgy. Paltit, Badoc, Ilocos Norte.
Daytoy ket kalpasan a naipila ti kaso kontra kadakuada nga arson.
Nabigbig dagitoy a da Jerome Quitoriano y Ibañez, agtawen ti 26 awanan asawa , awanan trabaho, adda pendingn na a kaso a panagsalungasing iti RA 9165 ngem nakapagpiyansa, residente ti Brgy. Namnama ken Mark Louie Giron y Aurellio, agtawen ti 23, awanan asawa , mannalon, drug surrenderer, ken residente iti Brgy. Macabiog, agpada iti ili ti Sinait, Ilocos Sur.
Naamuan a sag 50 a ribo a pisos ti pinagpiyansa dagiti suspek para iti termporaryo a pannakawaywaya da.
Insigida met a nawayawayaan dagiti suspek manipud iti kustodyar ti PNP-Badoc.
Maipalagip a naitudo dagiti nasao a suspek a dagitoy ti nakin-aramid ti pannakapoor ti kubokubo nga adda iti compound ti nasao a simbaan babaen kadagiti nakakita ken nakamatan dagitoy dagiti pulis iti inwayat da nga hot porsuit operation.
