LAOAG CITY – Naideklara a persona non grata dagiti online personalities a da Rosmar Tan, Rendon Labador, ken dadduma pay a kakaduada iti Team Malakas iti intero a probinsia ti Palawan.
Iti regular session ti Sangguniang Panlalawigan, inrekomendar ni First District Board Member Juan Antonio Alvarez ti pannakaipakat ti persona non grata status iti grupo da Rosmar ken Rendon.
Mainaig iti daytoy, iti pananginsultoda iti maysa nga empleado ti lokal a gobierno ti Coron iti opisina ti mayor idi napanda para iti maysa a charity event.
Maipalagip nga immuna a nag-viral ti video no sadinno nga itud-tudoda ti maysa a Coron municipal staff kalpasan a nangipost iti komento maipapan iti gift distribution ti team kadagiti tattao ti Coron idi napan a Domingo.
