LAOAG CITY – Nangiruaren ti winter storms ti National Weather Service (NWS) kadagiti sumagmamano a lugar idiay Central America.
Basar iti National Weather Service a manamnama ti nakaro a panagtudo ti yelo kadagiti estado ti Kansas ken Missouri idinto nga adda ti blizzard warnings met iti New Jersey.
Gapu iti daytoy, maapektaran dagiti biahe ti eroplano ken aniaman a klase ti lugan.
Ti polar vortex nga addaan ti nalabes a kinalamiis ti panawen ket normal a mapaspasaran ti north pole ngem dumanon pay kadagiti sumagmamano a paset ti Estados Unidos, Europa ken pakairamanan ti Asya.
Karaman pay ti New York ket makapaspasar ti agingga tallo a kadapan a yelo ken daytoy ket mapasaran iti sumagmamano nga aldaw.
Immunan nga indeklara ni Virginia Governor Glenn Youngkin ti state of emergency idi Biernes gapu iti mapaspasaran a bagyo.
