LAOAG CITY – Dakkel a pakaidayawan ti Ilocos Norte ti kaadda ti maysa nga Ilocano a kas iti daydi Pres. Ferdinand Edralin Marcos.
Daytoy ti takder ni Mrs. Lucia Factora Cariño, agtawen ti 74, taga Brgy. 3 ti ili a Sarrat ken kameng ti Federation of Senior Citizens Associations of the Philippines ti ili a Sarrat.
Impannakkelna ti kinaadu dagiti naaramidan ti dati a presidente kas ipamatmat dagiti nagkaadu a nagapoanan na.
Imbatadna nga uray nabayagen a pimmusay ket agtultuloy pay laeng a mabenbenipisiaran dagiti naruay nga umili a Filipino kadagiti nagbalin a proyektona.
Mainaig iti daytoy, inbunannag na a maiparbeng laeng a marambakan a kanayon ti panagkasangay na.
Innayonna a ti grupo da a natataengan ket kanayon nga agat-atendar iti selebrasyon ti panagkasangay daydi Pres. Marcos.
Kabayatanna, mangnamnama ni Cariño a makangato iti puesto dagiti annak ken appoko ti dati a presidente tapno dagitoy ti mangitultuloy kadagiti napintas a naaramidan na para iti pagilian.
