LAOAG CITY – Insigida a nagmandar ni Dist. Engr. Nestor Pasion ti 1st Dist. ti Dept. of Public Works and Highways ti Ilocos Norte kadagiti tao da a dalusan da nga insigida dagiti nagkaraiwara a babassit a batbato iti national highway a paset ti ili a Burgos ken Pagudpud.
Segun ken ni Pasion, mabalin a dagiti nasao a “debris” ket naigeddan bayat ti panagayos ti danum manipud iti bantay nga adda iti igid ti nasao a kalsada a madalanan dagiti nasao a lugar.
Nupay kasta, kuna ni Pasion a madalanan ti highway a paset dagiti nasao nga ili isu na laeng a kasapulan ti pana gannad dagiti motorista tapno saaanda a madisgrasya .
Kabayatan na, inbatad ni Pasion a nasulbar metten ti nagaburan a paset ti kalsada ti Bgy. Dipilat iti ili a Vintar kalpasan a mismon a ti local gov’t unit ti nasao nga ili ti nagwaknit iti daytoy.
