LAOAG CITY – Inpetteng ni Ms. Rhona Ysabelle Daoang, ti mangidadaulo ti Communications and Media Office (CMO) iti Provincial Government of Ilocos Norte (PGIN) a palso ti agwarwaras a damag a mailockdown ti probinsya intuno paskua.
Segun ken ni Daoang, awan ti posibilada a mapasamak ti lockdown agsipod ta bumabbaba ti kaso ti covid-19 ditoy probinsya.
Inlawalawag na a madertimar laeng ti pannakaipan iti lockdown ti probinsya nu makita ti panangngato ti kaso ti covid-19.
Kuna na a nu bilang adda man ti lockdown ket naladawen gapu ta iti kada dua a lawas ti growth rate ken daily attack ti covid-19 ditoy probinsya.
Mainaig iti daytoy, inbunannag na a manamnama nga ado pay ti agawid manipod iti sabali a lugar partikular iti Metro Manila intuno paskua.
Nu pay kasta, inpakaamo na nga adda ti makaanay wenno adda dagiti bakante a quarantine facilties.
Nagpalagip ti mangidadaulo ti CMO a liklikan pay laeng ti pangisayangkat iti parties tapno maiyado iti risgo gubuay ti covid-19 ken ti panagngato ti kaso ditoy probinsya.
