LAOAG CITY – Balligi ti pannaka-inagurar ti Damili Literacy Center iti ili ti San Nicolas partikular iti San Nicolas Elementary School.
Inatendaran daytoy ni Atty. Donato Balderas Jr., ti mangidadaulo ti Schools Division Office kadwa na dagiti sumagmamano nga opisyal ti gobierno, school heads, estudyante ken dadduma pay nga stakeholders.
Ti nasao a center ket agserbi a katulongan dagiti agad-adal, nangruna iti pannaka-isyangkat ti asynchronous learning no adda dagiti saan a mapakpakadaan nga aktibidad ken pasamak.
Mainaig iti daytoy, fully equipped met ti center gapu ta addaan daytoy iti internet, computers, ken reading materials. Maipalagip nga immunan a nakaawat ti lokal a gobierno ti San Nicolas to pammadayaw gapu iti napintas a pannakaisayngkatda ti Literacy Program.
