LAOAG CITY – Naitabonen ti pimmusay a ni dati Presidente Benigno “Noynoy” Aquino III iti Manila Memorial Park idiay Parañaque City, partikular iti abay ti tanem dagiti nagannak kenkuana a ni dati a Presidenre Corazon Aquino ken dati a Senador Ninoy Aquino Jr.
Ummuna iti daytoy, naiyuswat ti misa iti Church of the Gesu iti Ateneo De Manila University nga indaulwan ni Archbishop Socrates Villegas.
Kalpasan ti misa ket dagus a naibyahe ti dapo ti dati a presidente ken itay pasado alas-dose ket nakadanon ti lugan a nakailuganan ni Aquino.
Naiyuswat pay ti seremonya kalpasan a nakadanon ti dapo ni Aquino iti Manila Memorial Park ken
Mismo a ni AFP Chief of Staff Cirilito Sobejana ti nangiturn over iti bandera ti Pilipinas iti pamilya Aquino partikular iti kabsat na a ni Balsy.
Kalpasan ti pinal a pannakabendisar ti dapo ti dati a presidente ket mismo a ni Kris Aquino ti nangiserrek ti dapo ti kabsat na iti tanem na iti 1:45 itay malem.
Maipalagip nga idi Huwebes, Hunyo 24 ket pimmusay ti dati a presidente gapo iti sakit na a Renal disease secondary ti diabetes.
