LAOAG CITY –Inrakurak ni Secretary Conrado Estrella iti Department of Agrarian Reform a dakkel ti nagbaliwan ti pannakaiproseso ti pannakaititulo kadagiti daga dagiti mannalon.
Segun kenkuana, gapu ta kayatda a mapaalisto ti proseso idi kallabes ket inaramidda a collective CLOA no sadinno saan a masinunuo no ana a parcela ti daga dagiti nakainagan iti titulo rason nga ado dagiti agriri.
Gapu iti daytoy, nasolusyonanda da dagiti nagbalin a problema ket ummuna ti nalimpyo a survey, gumatang ti ado a judicial form, nasken a matulungan ti register of deeds.
Malaksid iti daytoy, adda ti naibunong nga 1,700 E-TITLES iti 885 Agrarian Reform beneficiaries manipud ditoy probinsia ken iti Ilocos Sur.
Umabot iti 717 a taga-llocos Norte ti immawat ti 1,417 nga e-Titles nga addaan ti kalawana a nasurok 776 nga ektarya ti daga idinto nga immawat ti agarup 168 a benipisiario manipud iti llocos Sur ti 283 nga e-Titles nga addaan ti kalawana a nasurok 251 nga ektarya ti daga.
Naiwayat pay ti Accessible Loans for Empowered, Resilient, and Transfrom Agrarian Reform Beneficiaries Organizations wenno (ALERT-ARBOS), maysa a lending program ti ahensia.
Gagem daytoy a programa a masuportaran ti produksiyon iti irik, mais, high value crops, pakairamanan ti pannakagatang dagiti babassit a ramit a pagtalon.
Mainaig iti daytoy, awaten dagiti pito nga Agrarian Reform Beneficiaries Organizations ti P3.543-M.
Kabayatanna, umwat dagiti umili ditoy probinsia ti Natarnaw Irrigator’s Association nga agbalur ti 400 a ribo a pisos, Buanga Agrarian Reform Coop nga agbalur ti 800 a ribo a pisos, Tabug Farmer’s Association of Batac City nga agbalur ti 325 a ribo a pisos, Mumulaan Farmers MPC nga agbalur ti 281 a ribo a pisos idinto dagiti umili manipud iti llocos Sur ket umawat ti Macati Rang-ay Farmers Agrarian Reform Coop ti P200,000, Arnap Sunrise Agrarian Reform Community MPC ti P487,500, ken Lugarba MPC ti P1,050,000.
