LAOAG CITY – Nangiwayat ti Legal Division ti Department of Agrarian Reform (DAR)-Regional Office 1 ti maysa a taripnong para ti pannakailawlawag dagiti baro a pagalagadan ti nasao a departamento.
Ti nasao a taripnong ket naiyuswat idiay Baguio City ken inatendaran dagiti personnel ti nagduduma nga opisina iti DAR iti rehiyon 1.
Inbatad ni Atty. Arnie Cristie Pebenito, hepe ti legal division ti DAR-regional office 1, maysa kadagiti kangrunaan a naidasar ti nasao a taripnong ket ti administrative order No. 2-2018 ni DAR Secretary John R. Castriciones.
Naamoan a ti nasao nga administrative order ket No. 2-2018 ket isu ti Omnibus Rules of cancellation cases of emancipation patents, certificates of land ownership award and other titles issued under any agrarian reform program.
Sungbat daytoy ti DAR iti nagbalin a pammilin ni Presidente Rodrigo Duterte a masapol a makissayan dagiti recquirements ken processing time para kadagiti aplikasyon ken aksyon dagiti departamento ken ahensya ti gobierno.
