LAOAG CITY – Nagbayad ti piyansa ti film director a ni Darryl Yap gapu iti kaso a two counts ti cyberlibel.
Dumanon iti 20 a ribu a pisos ti piyansa a binayadan ni Yap kalpasan nga inruar ti Muntinlupa Regional Trial Court Branch 203 ti warrant of arrest.
Ti nasao a warrant of arrest ket pirmado ni Presiding Judge Myra Quiambao gapu iti maipagarup a panaglabsing ni Yap ti Cybercrime Prevention Act of 2012.
Maipalagip a kinasoan ti komediante a ni Vic Sotto ni Yap gapu iti panangiruarna ti teaser ti kontrobersial a pelikula a “The Rapist of Pepsi Paloma” no sadinno a mairamraman ti aktor.
