LAOAG CITY – Mamati ni Mr. Brendi Baoit, residente iti Baranagay 4 iti ili a Sarrat ken dati a nakunbiktaran iti kaso a pammapatay idi 1999 a saadan a maisubli iti pagbalodan kaduana ti ama na a ni Samuel.
Daytoy ket kalpasan a napaayaban iti kwerpo ti pulisya iti nasao nga ili itay kallabes.
Kunana a saan da a nawaya-wayaan gapo iti GCTA law no diket babaen ti desisyon ti Board of Parole and Pardons.
Segun kenni Baoit, saan da a nagaplikar iti GCTA law no diket mismo a dagiti kameng ti nasao a board ti napan nangkita kedakuada bayat nga adda da idiay Bilibid Prison.
Inbatad na a posible nga idi maisayangkat ti hearing iti kaso da ken nakita da no kasano ti panagtulnog da kadagiti paglintegan iti NBP isu a limmag-an ti sentensiya da.
Innayon na a kumpleto ti dokumento da idi rumwar da iti nasao a pagbalodan.
