LAOAG CITY – Agtalinaed ni dati a Bamban Mayor Alice Guo iti kustodiyar ti Senado kalpasan nga in-cite in contempt isuna ti Komite.
Daytoy ti oinasingkedan Sen. Risa Hontiveros kabayatan ti naiyuswat a public hearing.
Inaprobaran ti maysa a komite ti Senado ti mosion a mang-contempt ken ni Guo iti maikatlo a gundaway kalpasan a nagkedked a mangsungbat kadagiti saludsod ken ti agtultuloy a panag-ulbod na.
Segun kenni Hontiveros, agtalinaed ni Guo ket iti kustodiar ti Senado aginggana ti panagleppas ti panagimbestigarda.
Innayon ni Hontiveros a makikoordinar ti Senado iti korte mainaig iti nasao a banag.
Maipalagip nga immunan nga inbilin ti korte ti pannakaibaludna iti Philippine National Police Custodial Center kalpasan a nagkedked daytoy nga agpiyansa gapu iti kasona a graft.
Inpakaammu met ni Sen. Sherwin Gatchalian nga iti agdama ket adda pito a kaso nga inpila ti Senado kontra ken ni Alice Guo; (1) graft and corruption case ti Ombudsman, (2) human trafficking case ti Department of Justice, (3) quo warranto case ti Solicitor General of the Philippines, (4) tax evasion case ti Bureau of Investigation, (5) money laundering cas ti Anti-Money Laundering Council, (6) cancellation of birth certificate ti Solicitor General of the Philippines, ken (7) election code offense ti Commission on Elections.
Kuna ti Senador Gatchalian a maibilang daytoyen a kakaruan a criminal case iti pakasaritaan ti pilipinas gapu ta maipila laeng dagitoy iti maymaysa nga indibidual ken adda pay posibilidad a manayunan dagiti kaso na.
Kabayatanna, inwaragawag ti dati a Bamban, Tarlac Mayor Alice Guo a nakatalaw iti pagilian babaen ti panagluganna iti yacht ken saan na metten nga inpakaammu no asino ti akinkukua iti yatch.
Iti agdama, inpasigurazdo ti Senado a saan da na sardengan ti inbestigasyon agingga a saan a maamwan dagiti nangtulong ken ni Guo, kameng man ti gobierno wenno saan.
