LAOAG CITY – Napanunotan ni Mr. Chris Davey San Juan a dati a Banker iti ballasiw-taw a mangipatakder ti negosiona ditoy probinsia.
Segun kenkuana, nangipasdek isuna ti negosio no sadinno dagiti produkto nga ilakoda ket ti ramen ken sushi baked.
Inbatadna nga idi rugrugina ket ilaklakoda laeng dagiti produktoda babaen iti online ngem iti panagtulid ti panawen ket nagdesision daytoyen a mangipatakder mismo ti bukudda a puesto nangruna ket umad-adun dagiti agor-order kadakuada.
Kunana a ti negosiona ket maiyarngi kadagiti negosio idiay Dubai wenno dagiti taraon a magatang no adda ti maisaysayangkat a fiesta.
Inlawlawagna a masapol a fresh dagiti ramen a mailaok kadagiti produktoda tapno maimasan dagiti kustomerda ken agsublidanto manen.
Innayonna a naiget ti suporta nga ipapaay ti nagannak kenkuana ken dagiti pagayamna para iti negosiona.
