LAOAG CITY – Inpetteng ni dati a Bayan Muna Representative Isagani Zarate nga awan ti baro a nangngegna iti maikapat nga State of the Nation Address (SONA) ni Presidente Ferdinand Marcos Jr.
Inbatad na nga iti maikatlo nga State of the Nation Address ti presidente ket inpanakkel na dagiti flood control projects ngem kalpasan laeng ti dua nga aldaw ket nalayos ti Metro Manila.
Kuna na a sakbay met ti maikapat nga State Of the Nation Address ni President Marcos ket nagpasar ti layus saan laeng nga iti Metro Manila no di ket uray dagiti dadduma a paset ti pagilian.
Dinillaw pay ni Zarate ti panagtakder ken panagpalakpak dagiti agpanpanday linteg kalpasan nga inkari ni Presidente Marcos a saanen a maulit ti kastoy a pasamak idinto nga isuda met ti agiserserrek kadagiti nasao a proyekto.
Innayon na a mabalin a dagiti nagpapalakpak nga agpanpanday linteg ket adda met kadakuada dagiti kurakot nga opisyal a mairanranud iti nailatang a pondo para kadagiti flood control projects.
