LAOAG CITY – Saan a ninamnama ni Shannara Mica Guira Tamayao a residente iti Brgy 6 ditoy siudad ti Laoag a nagbalin a maysa kadagiti top 10 iti Nursing Licensure Examination iti daytoy a tawen..
Segun kenni Tamayao, kiddaw na laeng iti Diyos a makapasa iti board exam ngem dakkel ti panagyaman na gapu ta naibilang iti top 10.
Kuna na a naragragsak manen ti ina a ni Mrs. Bernadette Tamayao a maysa nga empanada vendor ditoy siudad ti Laoag.
Segun ti ina, nalagip na dagiti rigat tapno mapaadal ti anak na.
Ni Shannara ket nagturpos iti Mariano Marcos State University iti siudad ti Batac ken nagbalin a Miss Gonzaga, Cagayan, inusar na ti 50 a ribo a pisos a premyo na a pinagenrol ti kurso a nursing iti MMSU.
