LAOAG CITY – Nakasagana nga isalakan ni dati a world champion Gennady Golovkin ti boxing tapno saan daytoy a maikkat iti Los Angeles Olympics inton 2028.
Napili ni Golovkin kas Olympic Commision Chair nga isu ti makisarita iti International Olympic Committee a saan nga ikkaten ti sport a boxing iti Olympics.
Inpettengna nga ipangpangrunana a mapreserba ti boxing kas Olympic sports.
Naammoan a ni Golovkin ket Olympic silver medalist idi 2004 ket kalpasanna ket nagbalin a professional boxer isuna nga addaan ti rekord nga 42 a panangabak, dua a pannakaabak ken maysa a draw.
Maipalagip nga inikkan ti International Olympic Committee ti International Boxing Association agingga inton sumaruno a tawen a paneknekan nga awan ti aniaman a panagswitik tapno saan a maikkat ti boxing iti Olympics.
