LAOAG CITY – Nagkasaren ti dati a child actress a ni Krystal Reyes iti non-showbiz a boyfriend-na a ni Lawrence dela Cruz.
Iti online account-na ket inburayna ti panagkallaysada a naiyuswat iti Saint Gabriel the Archangel Parish Church idiay siudad ti Caloocan.
Nagatendar dagiti sumagmamano a miembro ti pamilia ti dua ken dagiti nasinged a pagayamda.
Maipalagip nga idi Marso iti napalabas a tawen idi naiyuswat ti wedding proposal iti actress a ni Jolina Marie Bautista Reyes iti pudno a biag.
Nakaawat ti dua ti nabara a kablaaw manipud iti lubong ti showbiz.
