LAOAG CITY – Nagkallaysan da dati a child stars nga isuda Nash Aguas ken Mika Dela Cruz idiay Tagaytay City.
Idi Oktubre 2018 idi admitaren ni Aguas nga adda ti relasionda ni Dela Cruz.
Immuna a naam-ammo dagiti dua iti children TV comedy series a “Goin’ Bulilit.”
“Walking towards my God-sent, my Love, and my forever,” dinakamat ni Dela Cruz iti post-na iti online.
Nagsasaruno met ti naawatda a congratulatory post manipod kadagiti dadduma pay a celebrities.
“I love you soooooo much beautiful bride,” inbatad ti kabsat ni Mika a ni Angelika Dela Cruz.
Inpadanon met ti nabara a panangkablaaw ti kaduada idi iti Goin Bulilit a ni Sharlene San Pedro.
