LAOAG CITY – Inrakurak ti legal counsel ni dati a Negros Oriental Representative Arnolfo ‘Arnie’ Teves Jr. a posible a mangipilada ti maysa a petision tapno kiddawen iti Korte a mapalusan daytoy a makapagpiyansa.
Iti baet nga agsusukot ti sangsangoenna a kaso ti dati a kongresista kadagiti nagduduma a Korte iti pagilian daytoy ket ikonkonsiderarda latta.
Inbatad ti abugadona a ni Atty. Ferdinand Topacio a ti panangipila ti ‘petition for bail’ ket pagsasaritaanda pay laeng kas addang iti kampo ni dati a Congressman Teves Jr.
Inlawlawagna a saan nga adayo nga aramidenda daytoy ngem inpettengna a pagnunumoandanto pay laeng nangruna iti legal counsel daytoy.
