LAOAG CITY – Kinasoan ti United States Department of Justice ni dati a Cuban President Raúl Castro idiay Miami, Florida.
Naakusaran ti dati a Presidente ken lima a dadduma pay ti “conspiracy” tapno papatayen ti United States nationals, uppat a bilang ti murder ken dua a bilang ti destruction of aircraft.
Inakusaran ti dati a Presidente ken Cuban military ti maipagarup a panangpabagsak idi 1996 ti dua a civilian planes a kukua ti Cuban-American group a “Brothers to the Rescue” ken nakatayan ti uppat nga indibidual pakairamanan ti tallo nga Amerikano kabayatan nga adda iti humanitarian mission iti Florida Straits.
Ti dati a Presidente nga agtawen ti 94 ket nagserbi idi kas mangidadaulo ti armed forces ti Cuba ken maipagarup a nangiyetnag ti pammilin tapno agsuek dagiti eroplano.
Naammoan a ti dadduma pay a defendant iti kaso ket ti fighter pilot.
Kinondenar met ti agdama a Presidente ti Cuba a ni Miguel Díaz-Canel ken ti Foreign Ministry-da daytoy nga addang nga inawaganda kas maysa a “political maneuver.”
Ti nagbalin nga addang ti Estados Unidos ket iti baet ti umig-iget a kampania ti Trump administration tapno mapadisi ti innem a dekada a communist regime ti Cuba.
