LAOAG CITY – Direkta a pinabasol ni dati a Dingras Mayor ken kandidato iti kina-kongresista iti segundo distrito a ni Mrs. Marynette Gamboa ti agdama a Vice Mayor a ni Jeffrey Saguid nga isu responsable iti pannakapalto-paltog ti balay ti kabagyan na idiay Barangay Sulquiano iti nasao nga ili.
Maipalagip nga idi rabii ti Mayo 9 ket napalto-paltogan ti balay ni Mr. Silbert Tumoc, nagpila ti kina-kongresista iti segundo distrito ngem sinukatan ni Gamboa.
Segun kenni Gamboa, idi nakita ti grupo ni Saguid a simmurot dagiti sumagmamano a bnotante iti kampo ti kalaban na a ni Tiffany Gamboa ket maipagarop a pinabasol da ni Tumoc.
Kunana a daytoy ket uray awan ti aksyon nga inaramid ni Tumoc tapno sumurot dagiti botante iti grupo da.
Inbatad na a gapo iti daytoy, patyen na a ti kampo ni Saguid ti akin-aramid iti nasao a pammaltog.
Kabayatanna, inakusaran pay ni Gamboa a butbutngen ti grupo ni Saguid dagiti lider da iti nagduduma a lugar iti nasao nga ili kas idiay Barangay Francisco ken Foz.
