LAOAG CITY – Inbatad ti Bureau of Immigration (BI) a saan pay a nagsubli iti Pilipinas ni dati a Public Works Secretary Manuel Bonoan, iti laksid ti ummunan a rakurak nga agawid isuna manipud Amerika iti Disyembre 17.
Pimmanaw iti Pilipinas ni Bonoan—nga adda iti Immigration Lookout Bulletin Order (ILBO)—idi Nobyembre 11, ken nagturong idiay Amerika tapno kadwaen ti asawa na nga agpaagas.
Nakailanad idi pimmanaw ken agsubli iti pagilyan idi kuma December 17, 2025.
Segun kenni BI Spokesperson Dana Sandoval, basar iti rekord da ket saan pay a nagsubli ni Boanoan.
Karaman ni Bonoan kadagiti dati nga opisyal ti DPWH nga inrekomendar ti Independent Commission for Infrastructure (ICI) a mapilaan ti kaso mainaig iti anomalya iti panagusar ti pondo para iti flood control.
Ummunan a naglikudan ni Bonoan nga adda ti pakainaigan na iti maipagarop nga anomalya iti proyekto.
