LAOAG CITY – Kinumpirmaran ni Police Major Allan Emerson Dauz, ti chief of police iti ciudad ti Batac ti panangimbitar da ken ni dati a Barangay Chairman Saturnino Clemente iti Barangay Dariwdiw iti ciudad ti Batac.
Daytoy ket kalpasan ti maipagarop a panagibunong na iti stab a mabalin nga isukat a cash wenno aniaman a banag.
Naamoan a ti stab ket adda ti nakasurat a nagan ti kandidato a para mayor ken ti grupo na iti nasao a ciudad.
Nupay kasta, kuna ni Dauz nga inpetteng ni Clemente a saan nga iti balayda ti naggapwan dagiti tao a nasabat dagiti pulis nga adda iggem na nga stab.
Immunan nga intudo dagiti maseknan ni Clemente a nagibunong kadagiti stab nga adda kadakuada.
Mainaig ti daytoy, kuna ni Dauz a masapol a mangisayangkat da pay ti naun-uneg nga imbestigasyon ken agukkon da ti natibtibker nga ebidensya tapno mapilaan da ti reklamo ni Clemente.
Police Major Allan Emerson Dauz, chief of police iti PNP-Batac
