LAOAG CITY – Timmestigo iti House Prosecution panel ni Violeta Constantino, dati a branch manager ti Land Bank of the Philippines (LBP) Shaw Boulevard branch, mainaig iti saan nga umno a panagusar iti confidential funds charges kontra ken ni Vice President Sara Duterte iti agtultuloy nga impeachment trial ita nga aldaw, Hulio 29.
Timmestigo ni Constantino para iti Article I ti impeachment complaint mainaig iti maipagarup saan nga umno a panagusar iti ₱612.5 million confidential funds ti Office of the Vice President (OVP) ken ti Department of Education (DepEd).
Kinumpirmaran ni Constantino a personal-na nga idauloan ti panag-encash iti uppat a tseke no sadinno ket dagiti uppat a tseke ket agdagup ti ₱125 millon wenno addan ti pakabukelan a ₱500 million.
Dinakamat ni Constantino a dagiti tseke ket nainagan ken ni Gina Acosta, special disbursing officer ti Office of the Vice President ken na- withraw dagiti nasao a tseke idi Disiembre 2022 agingga Setiembre 2023.
