LAOAG CITY – Manamnama a sumango mismo iti Korte Suprema kas saksi iti bukodna a depensa ni Leyte Representative Martin Romualdez mainaig iti kaso na a P7.44 bilion plunder.
Segun ken ni Atty. Ade Fajardo, abogado ti Leyte Representative, a kayatna a maipaayan ti bagbagina ti tsansa a depensaan ti bagina iti korte kalpasan ti pannakailippas ti third division pre-trial proceedings-na iti Sandigangbayan.
Mabalin pay a ipasango ti defense team dagiti security aide ken drayber iti co-accused ni Romualdez a ti dati nga Ako Bicol Representative Zaldy Co ken pakairamanan ni Orly Guteza a nangibabawi ti immuna a testimoniana.
Kuna ni Fajardo, inbatad ni Guteza a ti immuna a testimoniana ket paset ti maysa a setup a basar iti baro a testimoniana.
Manamnama a dumanon ti nakurang 40 a testigo ti posible a sumango kas testigo iti depensa ngem mabalin pay daytoy a mabaliwan depende iti idasar nga ebidensia iti prosekusion.
Iti agdama, nakaibalod iti Quezon City Jail –male dormitory ni Romualdez. Kabayatanna, saan pay a nasarakan ti ayan dagiti tallo pay nga akusado pakairamanan ni Zaldy Co.
Pinalagipan met ti Sandigangbayan ti abogado ni Romualdez a ni Judd Roy a paset ti proseso iti Korte a basaen ti impormasion ti arraignment tapno maipasigurado iti karrebbengan ti akusado mainaig kadagiti naipila a kaso kontra kenkuana kalpasan a kuwestionaranna daytoy.
Kinuna ni Fajardo a dayawenda iti pagtakderan iti Korte ken agbalinda a narespetar nga abogado kas opiser ti Korte.
