LAOAG CITY – Napaay ti dati a manager ni Jed Madela a ni Annie Mercado gapu iti baro a kanta nga inruar ti singer.
Inpaganetget ni Anne nga saanda a “dumb” a saanda ammo ti tuktukuyen ni Jed iti baro na a kanta a napauloan ti Wish U the Worst.
Segun kenkuana, ti kanta ket napno iti negatibo, gura, ken bitterness a kanayon a playing the victim.
Innayonna a rumbeng a takderan ni Madela para ti kanta nga inaramidna ken naimbitiran daytoy a mapan iti press conference tapno ibagana ti pudno a rason kadagiti tattao.
Kabayatanna, saan pay a nangted ti reaksion ti singer maipapan iti nasao nga isyu.
