LAOAG CITY – Masdaaw ni Police Captain Joseph Tayaban, ti hepe ti PNP- Badoc no apay a kagura ni dati a Mayor Arleen Torralba, agpaidasig a para mayor iti ili a Badoc ti presensya dagiti kameng ti PNP iti nasao nga ili.
Inbatad ni Tayaban nga inbid-video ken inal-alaan iti ladawan ni Torralba dagiti pulis bayat ti panagpatrolya da iti nasao nga ili.
Inlawlawag ni Tayaban a gapu ta maysa ti ili ti Badoc a maibilang kas area of immediate concern ket nagideploy da iti nayon a pulis manipod iti Regional ken Provincial Police Office.
Daytoy ket gapu ta agamak ti PNP a possible a mapasamak manen ti napasamak nga insidente iti kallabes nga eleksyon iti nasao nga ili.
Innayon
pay ni Tayaban a ti laeng gagem da ket iti mangipaay iti seguridad
ken mapagtalinaed ti linak, urnos ken talna iti lugar bayat iti
mapaspasangasangan nga eleskyon.
Nupay kasta, maipagarop a kagura ti dati a mayor ti kaadda dagiti ado a pulis iti nasao nga ili.
Kabayatana, inpasingked ni Tayaban nga agpapan ita ket awan pay dagiti namonitor da a goons wenno baro a rupa nga agwarang-warang iti nasao nga ili.
