LAOAG CITY – Napalubusanen nga umawat kadagiti bisita ti dati a modelo a ni Deniece Cornejo.
Daytoy ket kalpasan ti sumagmamano nga aldaw a naibalud iti Correctional Institution for Women idiay Mandaluyong City.
Maipalagip a nasentensiaan ni Cornejo ti reclusion perpetua wenno 40 a tawen a pannakaibalud kalpasan a napatawan isuna kas guilty iti serious illegal detention for ransom nga inpila ti TV host a ni Ferdinand Hipolito Navarro wenno Vhong Navarro.
Mabalin a bisitaen dagiti bisita ni Cornejo iti Reception and Diagnostic Center nga isu ti nakaibaludanna iti uneg ti 60 nga aldaw.
Iti agdama, nakaibalud metten dagiti dadduma pay a co-accused ni Deniece nga agpapada a lallaki a nakabalud dagitoy iti New Bilibid Prisons.
