LAOAG CITY – Nasentensyaan da dati Pakistan Prime Minister Imran Khan ken ti asawa na a ni Bushra Bibi ti ad-ado pay a tawen a pannakabalud kalpasan iti kaso da a fraud gapu iti panagawat ti estado kadagiti regalo.
Nakunviktaran dagiti agasawa iti panaglabsing ti pagannurutan ti Pakistan kadagiti regalo kalpasan a nagawat ni Bibi kadagiti agkakabalor a jewelry set babaen ken ni Mohammed bin Salman iti Saudi Arabia kabayatan ti ibibisita na idiay Pakistan idi 2021.
Iti agdama ket manarimaan ti panangiserbi dagiti agasawa ti immunan a sentensya da idinto a ti baro a sentensya da ket agpaot ti 10 a tawen para iti criminal breach of trust ken pito a tawen para iti criminal misconduct, malaksid pay ti naipataw kadakuada a multa.
Indiskribir ni Khan dagiti naipila a kaso kontra kadakuada iti asawa na nga adda ti maris pulitika na.
