LAOAG CITY – Inpasingked ni Retired Lt. Col. Constantino Castillo, dati a pannakabagi ti Phil. Army a natalinaay ti aglawlaw bayat ti pannakaideklara ti martial law idi Setyembre 21, 1972.
Kunana a bayat nga adda iti nakadestinoan na a lugar kas idiay Bicol, Masbate ken Pangasinan ket awan dagiti nakitkita na a gulo bayat ti deklarasyon.
Inbatad ni Castillo nga idiay Metro Manila laeng ti ammo na a nagulo idi gapo kadagiti tattao a nangkontra iti deklarasyon ti Martial Law.
Kabayatan na, kuna met ni Mrs. Vicky Guillermo, tubo idiay Tacloban City ken residente iti Barangay Boyboy iti ili ti Piddig a naiget ti pannakaipatungpal ti curfew hour kabayatan ti deklarasyon idi nagserbi kas agtagibalay.
Segun kenkuana, tiliwen dagiti soldado dagiti tattao nga aglabsing iti paglintegan, idinto nga adda pay dagiti mapukisan a lallaki no attidog ti buok da.
