LAOAG CITY – Ipapaarestar ti korte ni dati a Philippine Charity Sweepstakes Office (PCSO) general manager Royina Garma gapo iti pannakatay ni PCSO board secretary Wesley Barayuga idi 2020.
Iti naiparuk-at a warrant of arrest ti Mandaluyong Regional Trial Court (RTC) branch 279, karaman kadagiti ipatpatiliw ti korte ket ni National Police Commission (NAPOLCOM) commissioner Edilberto Leonardo, police officials nga isuda Jeremy Causapin, Santie Mendoza, ken Nelson Mariano gapo iti kaso a murder ken frustrated murder.
Segun kenni PNP spokesperson Brig. Gen. Randulf Tuaño, iserbi da ti warrant of arrest aniaman ti posisyon ti indibidual.
Kadagiti lima nga akusado ket ni Mendoza laeng ti adda iti floating status iti babaen ti Personnel Holding and Accounting Unit (PHAU) idinto a ni Mariano ket naikkat iti serbisyo ken ni Causapin ket nagikkat iti puwesto.
Maipalagip a napaltugan ni Barayuga kabayatan nga adda ti uneg ti lugan na babaen kadagiti saan a nabigbig suspek a nakalugan ti motorsiklo idi Hulyo 30, 2020 iti Mandaluyong City idinto a ti driver na ket nakalasat.
