LAOAG CITY – Binalakadan ni dati a Presidente Rodrigo Duterte ti balasangna a ni Bise Presidente Sara Duterte a pumanawen iti lubong ti politika.
Binilin na ti anakna, nga agyaman ta adda ama na a nagbalin a presidente ti pagilian idinto a nagbalin a bise presidente isuna.
Kinunana a manmano a maikkan ti gundaway ti maysa a pamilia ditoy Pilipinas nga addaan ti agama a nagturay iti nangato a posision.
Ad-adda pay a binalakadanna ti anakna a nasaysayaat nga agbiag nga awan iti politika wenno mangrugi iti negosio basta natalna ti panagbiagna ken saanen nga agambision iti nangat-ngato a posisyon gapu ta nagbalin metten a bise presidente.
Maipalagip a maimimbestigaran ti Bise Presidente iti Kamara gapu iti panangaramatna iti badyet ti opisinana ken ti badyet idi nagtugaw met laeng a kas sekretario ti Department of Education.
